Гвардиола: Немаме шанси да се бориме за титулата

Манчестер Сити конечно ја прекина серијата без победа во Премиер лигата, а денешниот триумф против Лестер барем за момент ќе го намали притисокот врз Пеп Гвардиола и неговите фудбалери.

Актуелниот шампион останува блиску до Топ 4 зоната и сигурно нема лесно да се откаже од висок пласман, но менаџерот вели дека шансите за одбрана на трофејот се изгубени.

– Во моментов не можеме да уживаме во резултатот, но победата е мало олеснување за сите.

– Изминатите години направивме неверојатни работи, па ова што се случува сега не е добро.

– Сега ни се потребни добри резултати, треба да прифатиме дека немаме шанси да се бориме за трофејот во Премиер лигата, но затоа тука се другите натпреварувања. Местото во Топ 4, ФА купот не се помалку значајни амбиции, – рекол Гвардиола.