Гвардиола: Немам одговор на тоа прашање, не знам…

Манчестер Сити успеа да ја освои првата титула во сезоната 2024/2025 и тоа во Комјунити Шилд каде беше подобар од градскиот ривал Манчестер Јунајтед на соочувањето на „Вембли“.

„Граѓаните“ се изборија за славје по изведувањето на удари од 11 метри или поточно откако мечот во регуларниот дел заврши 1-1. Сити не можеше да смета на сите свои фудбалери, покажа слабости, па шпанскиот стратег Пеп Гвардиола едноставно не може да даде одговор дали се подготвите за старот на Премиер лигата каде на отварањето ќе му гостуваат на Челси на „Стемфорд Бриџ“.

-Не можам да одговорам дали сме подготвени. Можевме да загубиме, блиску бевме да загубиме со преостанати минути па затоа треба да почекате. Видов многу работи што ми се допаѓаат. Првите 35 минути беа над одлични, неочекувани за времето кога сме заедно.

-Ние сме далеку од нашето најдобро ниво. Нормално е, но подобро е да се почне со еден освоен трофеј. Поубаво е, но реалноста не е ништо променета поради фактот што победивме, -истакна Гвардиола.