Гвардиола: Нема да биде крај на светот ако не се пласираме во ЛШ

Манчестер Сити со резултатите последните години вообичаено имаше сигурна позиција која носи во Лигата на шампионите, па стигна и до трофејот во ова натпреварување, но сезонава води тешка борба за да се најде во зоната која обезбедува ваква привилегија.

Менаџерот Пеп Гвардиола знае дека пласманот во ЛШ е важна амбиција на клубот, но вели дека нема да биде голема трагедија ако Сити не успее да ја оствари истата.

– Притисокот во големите клубови секогаш е голем и мора да дадеш максимум за да ги оствариш амбициите.

– Сакаме да обезбедиме место во Лигата на шампионите, но нема да биде крај на светот и ако не успееме.

– Тоа би значело дека не сме биле доволно добри и дека другите екипи го заслужиле пласманот повеќе од нас. Не сме во идеална позиција, но сепак имаме можност да се избориме за пласман и работите зависат од нас, – рекол Гвардиола.