Гвардиола негодува, неговиот тим треба да се враќа со автобус од Њукасл

Манчестер Сити има тешко гостување кај Њукасл во Лига купот, а по истото делегацијата на гостите ќе мора и подолго да патува кон Манчестер.

Пеп Гвардиола им се пожалил на новинарите дека Сити нема да може да искористи превоз со авион или воз, па ќе треба да се враќа од Њукасл со автобус.

– Не можеме да се вратиме со авион од некоја причина, па ќе треба да користиме автобус.

– Тоа значи два-три часа возење и враќање во Манчестер во раните утрински часови.

– Веќе во петок навечер треба да патуваме за Вулверхемптон, бидејќи во сабота гостуваме кај Волвс, – вели незадоволниот Гвардиола.