Гвардиола: Мурињо е уште еден од тие кои посакуваат Сити да игра во четвртата лига

Пеп Гвардиола вели дека се шегувал со забелешката дека тој има освоено повеќе титули од Жозе Мурињо во Премиер лигата, но откако Португалецот му одговори во свој стил, веројатно тешко ќе биде ставен крај на оваа вербална пресметка.

На вчерашната прес-конференција, менаџерот на Манчестер Сити морал да одговори на прозивката од Мурињо, па потенцирал дека неговиот колега не ја разбрал неговата шега.

– Јас се шегував, но Мурињо е уште еден од оние кои сакаат да играме во четвртата лига.

– Ќе му порачам дека сме невини, се додека не се потврди вината.

– Жал ми е ако го навредив, но тоа се факти. Јас имам повеќе титули, а тој е дел од фудбалската сцена која сака да не види на дното. Тоа е во ред, но и досега потенцирав дека треба да ја почекаме пресудата пред да коментираме, – рекол Гвардиола.