Гвардиола: Мора да најдеме солуција за отсуството на Родри

Манчестер Сити освои само бод на првиот натпревар на кој воопшто не можеше да смета на сериозно повредениот Родри, а менаџерот Пеп Гвардиола по средбата со Њукасл истакнал дека мора да најде брзо решение за испразнетата позиција во стартниот тим.

Во второто реми по ред, средниот ред на Сити не успеа да ги оправда очекувањата и гостите беа помалку опасни од вообичаеното.

– Знам дека ќе ме прашувате истото постојано, но Родри не е тука. Ковачиќ, Гундоган и Луис одиграа добро, но мора да пронајдам решение. Би сакал Родри да беше достапен за настапи.

– Игравме солидно во средниот ред, имавме шанси, можеби требаше подобро да се адаптираме на нивниот стил. Сепак Њукасл играше на својот стадион, исто така имаа шанси за голови, така што задоволен сум од резултатот, – рекол Гвардиола.

Шпанскиот стручњак бил прашан и за проблемот на Ерлинг Халанд, кој на средбата доби третман на зглобот на едната нога.

– Халанд добил некој незгоден удар, останува да видиме за што се работи.