Гвардиола: Многу сум среќен што го донесовме

Манчестер Сити го дочекува Јанг Бојс во средбата од 4. коло во групната фаза на Лигата на шампионите, средба на која премиерлигашот е апсолутен фаворит и со победа официјално ќе го реши пласманот во следната фаза.

Тренерот Пеп Гвардиола се надева дека тие ќе успеаат да ја остварат зацртаната цел за да можат потоа да се фокусираат на предизвиците во останатите натпреварувања.

-Се надевам дека ќе ја завршиме работата, тоа многу би ни значело. Мораме тоа да го направиме. Ќе имаме уште две шанси, но многу би ни значело да го направиме тоа веќе со овој натпревар. Тоа би било одлично, -истакна Пеп кој испрати низа на комплименти за летното засилување Јошко Гвардиол.

-Знаевме дека е одлична личност, тоа е она што прво го гледам. Тој може да игра како стопер, а ние одлучуваме да играме со четворица во последната линија, па тој е бек. Неверојатно е колку е отворен за она што го правиме и колку е неверојатно професионален. Навистина сум среќен со него и навистина сум среќен што успеавме да го донесеме, -порача искусниот стратег.