Гвардиола лут на англискиот селектор поради ситуацијата со Грилиш

Манчестер Сити има голем проблем со актуелната бројка на повредени играчи, па покрај серијата од три порази по ред, Пеп Гвардиола е изиритиран и од последната одлука на привремениот англиски селектор, Ли Карсли.

Карсли го повика Џек Грилиш за претстојните натпревари во Лигата на нации, а овој потег дефинитивно не наидува на разбирање кај менаџерот на Сити. Грилиш сезонава имаше неколку проблеми со повреди и принудни паузи, а сега треба да ги исполнува обврските кон националниот тим.

– Репрезентациите секогаш играат во овој период и јас сум среќен за играчите кои настапуваат за своите земји. Но, само кога се подготвени и кога се фит и кога немале проблеми последните неколку недели.

– Грилиш не одработи ниту еден целосен тренинг последните неколку недели, денеска тренираше првпат и тоа само 20 минути. Да, неколку пати бил во теретана, но оставам на англискиот селектор да решава, тоа не е моја работа.

– Може да избере кого сака, но јасно е дека Џек имаше два-три проблеми со повреди и поради не може да влезе во ритам, – рекол Гвардиола.