Гвардиола ја објасни разделбата со Кансело

Жоао Кансело го замени Манчестер Сити со Баерн Минхен во заем кој беше едно од најголемите изненадувања во зимскиот преоден рок.

Португалецот освои многу трофеи со Сити, но реши барем привремено да ја напушти Премиер лигата и ќе му биде на располагање на Баерн до крајот на сезоната.

Пеп Гвардиола зборувал отворено за ова сценарио и објаснил зошто му дозволил на Кансело да замине.

– За време на подготовките во текот на Светското првенство решив да играме во малку поинаква формација, други фудбалери добија поголема минутажа, а Кансело играше помалку.

– Тој сака да игра често за да чувствува добро, затоа му дозволивме да оди во Баерн и се надевам дека ќе има таква можност во Минхен.

– Кансело беше многу значаен за нас последните две сезони и тренираше максимално посветено до последен момент. Задоволен сум од составот со кој располагаме, можевме да ангажираме нов лев бек, но тоа можеби ќе се случи во летниот преоден рок, – изјавил Гвардиола.