Гвардиола искрен и директен: Ако јас сум проблемот…

Манчестер Сити е во криза и веќе шест натпревари не знае за победа во ниту една конкуренција, низа во која беа претрпени пет порази и едно реми против Феенорд во Лигата на шампионите.

Пеп Гвардиола никогаш не се соочил со ваква ситуација во кариерата и останува да се види дали ќе пронајде решение, а првиот тест, предизвик е гостувањето кај Ливерпул на „Енфилд Роуд“.

Шпанецот пред само неколку дена потпиша нов двегодишен договор со клубот, меѓутоа без разлика на тоа е подготвен да си замине ако тој е проблемот, односно не го испорача тоа што се бара на „Итихад“.

-Не сакам да останам на место ако се чувствувам како да сум проблем. Не сакам да останам само затоа што имам договор. Мојот претседател го знае тоа. Му реков: „Дај ми шанса да се обидам да се вратам“, а особено кога сите ќе се вратат (од повреда), ќе видиме што ќе се случи. Потоа, ако не можам да го направам тоа, мора да смениме се разбира, (минатите) девет години се мртви.

-Повеќе од кога било барам од мојата хиерархија, дајте ми шанса. Дали сега ќе ми биде лесно? Не. Имам чувство дека сè уште имам работа и сакам да ја работам, -порача јасно и директно трофејниот шпански стручњак.