Гвардиола имал улога во големата победа на Арсенал над Реал: Важно е да учите од најдобрите

Арсенал беше подобар од Реал Мадрид со 3-0 во првиот натпревар од четвртфиналето на Лигата на шампионите, триумф со кој дефинитивно е направен огромен исчекор кон најдобрите четири во најквалитетното клупско натпреварување.

Премиерлигашот преку Рајс (2) и Мерино оствари триумф кој веројатно никој во клубот не го очекуваше ако се погледне разликата од три голови, но затоа фудбалот е магична игра и се „топчиите“ се во позиција која е одлична и која им дава огромни шанси да го елиминираа актуелниот шампион и се пласираат во полуфиналето.

Менаџерот Микел Артета дефинитивно е горд на своите избраници, фудбалери, а интересно е тоа што во оваа мисија да се совлада Реал добил помош од сонародникот и воедно актуелен предводник на Манчестер Сити, Пеп Гвардиола.

-Разговаравме со Пеп (Гвардиола) пред неколку дена и сакав да го прашам за совет. Важно е да се учи од најдобрите, -обелодени Артета.