Гвардиола: Халанд не мора да постигне гол, но не смее да си дозволи една работа

Пеп Гвардиола ужива во добрата форма на Ерлинг Халанд и солидниот старт на Манчестер Сити во новата сезона, а на новинарите им открил дека за време на летото имал комуникација со својот најважен напаѓач.

Шпанскиот стручњак му посочил на Норвежанецот што не му се допаѓа во неговата игра, но и дека мора да продолжи да „притиска како животно“.

Гвардиола е убеден дека пресингот на Халанд може да биде клучен за Сити да биде поопасен во противничката половина.

– Ми се допаѓа кога трча многу и кога притиска како животно, тоа ни помага да постигнуваме голови.

– Замислете го дефанзивецот кога ќе го види пред себе Халанд како е залетан во него, тоа делува застрашувачки.

– За оваа тема не сакам ни да дебатирам. Ако не постигне гол никому ништо, но инсистирам на тоа да игра пресинг на секој натпревар и не смее да си дозволи да не го прави тоа, – рекол Гвардиола.