Гвардиола го пофали Халанд по хет-трикот: Бројките се неверојатни

Во натпреварот од второто коло од Премиер лигата, игран на „Етихад“ избраниците на Пеп Гвардиола ги совладаа новајлијата во лигата, тимот на Ипсвич со 4:1 (3:1).

Тоа беше одлично попладне за Ерлинг Халанд кој постигна хет-трик.

Тоа е десетти хет-трик за Норвежанецот во дресот на Сити, седми во Премиер лигата, а според тој учинок само Серхио Агуеро (12), Алан Ширер (11), Роби Фаулер (9) и Хари Кејн, Тиери Анри и Мајкл се пред него со по осум.

Халанд сега е изедначен на петтото место со Вејн Руни.По натпреварот Пеп Гвардиола го пофали норвешкиот напаѓач.

„Тој е многу сигурен од белата точка. Тој асистираше за вториот, фантастичен гол за третиот. Многу се мачеше минатата сезона, особено на почетокот. Се чувствуваше уморен и имаше проблеми со повреди поголемиот дел од времето. Летово одмораше, тој не беше на ЕП и тоа донесе добри вибрации. Бројките се неверојатни“, вели стратегот на „граѓаните“.

Тој беше задоволен од тоа како неговиот тим одговори откако Ипсвич поведе.

“Тоа беше добар натпревар. Почнавме добро, па тие дадоа гол во транзиција, но одигравме навистина добро. Задоволен сум што ја започнавме сезоната на овој начин”, изјави Пеп.