Гвардиола ги „поздрави“ Арсенал и Јунајтед пред финалето на „Вембли“ (Видео)

Манчестер Сити засега е многу резервиран на трансфер пазарот и познато е дека го загуби Хулијан Алварез, па новинарите го прашаа Пеп Гвардиола дали ривалите кои е засилија ова лето можат да профитираат од неактивноста на „граѓаните“.

Арсенал потроши доста пари на Италијанецот Калафиори, а Манчестер Јунајтед тоа го направи со ангажмани на Јоро и Зиркзе, нешто што го натера Пеп јасно да се пожали за третманот кој го добива Манчестер Сити.

Гвардиола вели дека вест во Англија е само кога неговиот клуб троши пари на трансфер пазарот, а всушност последните неколку години ривалите се тие кои трошат повеќе од шампионот.

– Веќе многу години го прават тоа. Многу години се прави тоа, но тоа не е новост и вест за вас…… Вест е само кога Сити троши пари.

– Секако дека сум загрижен што стануваат уште подобри. Го гледавте нивото на Арсенал минатата сезона, а сега ги гледав против Леверкузен, тие летаа на теренот. Секоја година е се потешко, се враќа и Јунајтед. Тие купуваат играчи и секој сака да ни ја одземе круната која ја имаме четири години по ред, – изјави Пеп.

🚨🗣️ Pep Guardiola when questioned about Arsenal and Man United spending money this summer…

"Many years they have done it. Many years, but it's not news. It's just when City spend money."
pic.twitter.com/Ee6e8onlaO

— EuroFoot (@eurofootcom) August 9, 2024