Гвардиола брутално подбра две легенди на Јунајтед: Не го видов тој карактер кога ги уништив со Барселона (ВИДЕО)

Манчестер Сити е на добар пат да ја одбрани титулата во Премиер лигата, но и оваа сезона ќе остане без остварување на големиот сон, пехарот во Лигата на шампионите.

Сити беше на добар пат втора година во низа да игра во финалето, но „потона“ во самиот финиш на реваншот со Реал Мадрид за да потоа во продолженијата им пресуди Бензема со удар од 11 метри. По ваквата елиминација имаше доста критики за адреса на Пеп Гвардиола и тоа од некои познати имиња како што се Патрис Евра и Димитар Бербатов.

Некогашното дуо на Манчестер Јунајтед имаше тешки зборови за Шпанецот порачувајќи дека не сака да игра играчи со карактер, односно дека тој сака да биде лидер и затоа се случуваат вакви порази. Гвардиола беше мирен и не сакаше да одговора на тие провокации се до денеска кога распали директно и брутално.

-Нашите победи се истите карактери и личности кои победуваа како оние што загубија против Реал Мадрид. Ги гледате овие поранешни играчи кои стануваат специјалисти како Бербатов и (Кларенс) Сидорф и Патрис Евра – такви играчи кои беа таму и со кои се соочив.

-Не видов ваков карактер и личност кога игравме и кога ги уништивме со Барселона во финалето на Лигата на шампионите против Јунајтед, -порача Пеп алудирајќи на победите со Барселона против премиерлигашот во финалните битки во 2009 и 2011 година.

🗣 “I didn’t see when I played against them this kind of personality when we destroyed them.” 😅

Pep Guardiola responds to the comments from Dimitar Berbatov and Patrice Evra on him being unable to manage “big characters” pic.twitter.com/5JD8tixgH7

— Football Daily (@footballdaily) May 13, 2022