Гвардиола бил разочаран од еден потег на Вокер

Кајл Вокер реши и си ја реализираше желбата да го напушти Манчестер Сити, па во вториот дел од сезоната ќе го носи дресот на Милан.

Англискиот интернационалец го избра италијанскиот великан за следен чекор во трофејната кариера и сигурно ќе донесе квалитет и искуство по десната страна за тренерот Серџо Консеисао, додека во Сити ослободи простор за помладите соиграчи и евентуалните наследници.

Гвардиола не криеше дека Вокер изразил желба да го напушти Сити уште во јануари, но новинарите кои ги следат случувањата во клубот потенцираат дека сепак останал разочаран од еден потег на десниот бек.

Пеп бил разочаран поради фактот што кога ја донел дефинитивната одлука, Вокер не разговарал директно со него, туку решил да му ја соопшти на спортскиот директор Чики Бегиристајн.

Менаџерот на Сити сметал дека тој и Вокер имаат толку добра конекција, што десниот бек можел да побара од него или да му соопшти што било, па и да побара искрен совет за својата иднина.