Гути за играчот кој сака да го види во Реал: Тој е неверојатен, Перез мора да го донесе!

Реал Мадрид секогаш е амбициозен и гледа шанса на трансфер пазарот, поточно се обидува да ги доведе најдобрите играчи.

Последниот пример е со Килијан Мбапе, ас кој го бркаше неколку години, нудеше и огромна сума на пари за неговите услуги за да на крајот го добие Французинот без никакво обештетување, односно го добие како слободен фудбалер по истекот на договорот со Пари Сен Жермен.

Секако на секој навивач на Реал му е драго што Мбапе го носи нивниот дрес, а клупската легенда Хосе Марија Гутиерез Ернандез попознат како Гути се надева дека следната цел ќе биде Ерлинг Халанд.

-Би го донел Халанд во Реал. Тој е неверојатен веќе неколку години и се надевам дека е следната цел на Перез. Тоа би било добро за шпанскиот фудбал, -порача Гути.

Ерлинг има договор со Манчестер Сити до 30 јуни 2027 година.