Гути со уникатна анализа: Објасни зошто актуелниот тим на Реал е подобар од „Галактикос“

Хосе Марија Гути е доста актуелен во последните неколку дена и даде низа изјави за последните случувања во шпанската Ла Лига, но во најновото опширно интервју за „АС“, легендарниот играч за врска направи една уникатна споредба.

Како член од „Галактикос“ тимот на Реал Мадрид од почетоците на новиот милениум, Гути доби за задача да направи една паралела меѓу тој тим и овој актуелниот, при што лесно заклучува дека овој на Карло Анчелоти е многу подобар и покомпактен.

Иако во „Галактикос“ тимот на Реал имаше ѕвезди како Бекам, Зидан, Фиго, Раул и Роналдо, Гути смета дека огромна предност на актуелниот тим е тоа што Анчелоти им дава шанса на оние кои навистина треба да бидат на теренот.

– Ова е подобар тим на Реал од оној со „Галактикос“. Овој тим има многу добри играчи и што е уште поважно, сите се млади. Овој тим на Реал ќе одбележи една ера во фудбалот, запаметете ги овие зборови.

– Во „Галактикос“ тимот на Реал имаше многу играчи кои беа недопирливи, играчи кои мораа секогаш да играат. Во новиот случај, Анчелоти секогаш го гледа најдоброто за тимот, игра тој што треба да игра. Во одредени случаи игра 4-3-3 и му требаат еден профил на играчи, во други случаи игра 4-2-2. Анчелоти е многу интелигентен тренер и го вади најдоброто од овој тим. Затоа овој тим е подобар, – заклучува Гути.