Гути со свој фаворит за „Златната топка“: Еден фудбалер се истакна на ниво на цела сезона

Номинираните фудбалери на Реал Мадрид се меѓу главните фаворити за наградата „Златна топка“, а Гути смета дека таа треба да заврши или кај Џуд Белингам, или кај Дани Карвахал.

Поранешната ѕвезда на Реал во своето последно гостување истакнал дека Реал имал по еден лидер во двата дела од првенството, но Карвахал одиграл одлично цела сезона, за на крајот да биде крунисан и како европски шампион.

– Белингам или Карвахал треба да го освојат признанието.

– За првиот дел од сезоната би му дал награда на Белингам, а за вториот на Винисиус, но ако зборуваме за цела сезона, заедно со ЕП, тогаш на врвот е Карвахал.

– Она што е важно е што овој избор ќе биде поинтересен, неколку играчи имаат слични шанси. Порано беше Меси или Роналдо, но сега може да се забавуваме со прогнозите, – вели Гути.