Гути со критики за реакцијата на Мбапе: На Роналдо никогаш немаше да му се случи тоа

Килијан Мбапе не постигна гол на воведните три натпревари во Ла Лига и педантните статистичари почнаа да објавуваат бројки за неговата лоша реализација, според кои Французинот е најнеефикасниот играч во топ 5 лигите во овој момент.

Најголемото летно засилување засега се мачи да пронајде вистински решенија пред противничкиот гол, но интересно вчера не ја зема топката и во ситуацијата кога Реал доби шанса да израмни со удар од 11 метри.

„Кралевите“ израмнија против Лас Палмас со гол од пенал, но најстрогата казна ја изведе Винисиус Жуниор, а не новата „9-ка“ на Карло Анчелоти.

Овој епилог го натера легендарниот Гути да испорача критика за Французинот, правејќи една паралела со која во прв план го стави Кристијано Роналдо.

– Не ми се допадна реакцијата на Мбапе. Ако јас бев на негово место, ќе имав друга реакција. На Роналдо никогаш немаше да му се случи тоа, никој немаше да може да му ја одземе топката од раце. Без разлика дали е 15 дена или неколку месеци во клубот. Тоа е она што јас го мислам за оваа ситуација, – изјави Гути.