Гути без размислување го „испука“ играчот на Барса кој би го купил за актуелниот тим на Реал (Видео)

Хосе Марија Гути е жива легенда на Реал Мадрид и ги проследува сите важни натпревари на „кралевите“ во Лигата на шампиони од студиото на „Ел Чирингито“, па поради тој повод, беше подложен на едно блиц интервју од „АС“ во кое даваше кратки одговори на различни теми.

Гути ги посочи Мбапе, Арда и Модриќ како играчи од актуелниот тим на Реал со кои би сакал да игра, „Златната топка“ би ја доделил на Белингам или Карвахал, но многу внимание привлече и за новата млада ѕвезда на Барселона.

Запрашан за тоа кој играч на Барса би го купил за првиот тим на Реал, Гути без размислување го посочи Ламин Јамал, за кого смета и дека е еден од најдобрите тројца играчи во светот во моментов.

– Со оглед на тоа што го прави на теренот, дефинитивно е меѓу тројцата најдобри во светот, – одговори Гути.

Во блиц интервјуто, Гути добива прашање и за новиот формат во Лигата на шампионите, а со одговорот јасно ја фаворизира старата формула која се користеше во Европа до оваа година.