Гундоган за Чави: Луѓето велат дека не освоивме ништо, но………

Илкај Гундоган многу брзо ја заврши својата авантура во Барселона и се врати во Манчестер Сити после само една година, и тоа како слободен агент за да му направи услуга на каталонскиот гигант.

Поради сложената финансиска состојба, Барса доби големо олеснување што се ослободи од платата на Гундоган, па иако заминувањето на доскорешниот германски репрезентативец донесе и доста критики за раководството, Илкај вели дека нема зли мисли за никој во клубот.

Гундо вели дека ќе го памети престојот во Барселона само по добри нешта, но и свесен дека тој и соиграчите морале да се борат против екстра силен тим како Реал Мадрид. Со својата изјава за „Дејли мејл“, Илкај застанува во одбрана и на Чави Ернандес, кој во последно време добива непријатни „отровни стрели“ со паралелите кои се прават за него и Ханси Флик.

– Времето кое го минав во Барса беше нависитна многу добро. И покрај се, играв за еден од најголемите клубови во светот. Си го остварив својот детски сон. Сонував да играм за Барса и да го носам тој грб на себе.

– Луѓето ја гледаат само завршницата од сезоната и велат дека не освоивме ниту една титула. Но, вистината е дека на крајот на сезоната имавме 85 бода, само три помалку од претходната во која тимот стана шампион. Игравме против многу силен тим на Реал Мадрид и не треба да се гледа толку црно на нештата, – вели Гундоган.