Гундоган се врати во Сити и порача: Дури откако си заминав од Манчестер сфатив…… (Видео)

Тоа што се пишуваше во изминатите 48 часа доби официјална потврда ова попладне, а тоа е информацијата дека Илкај Гундоган се враќа во Манчестер Сити после само една сезона во Барселона.

Иако имаше уште две години од договорот со каталонците, Гундоган на крајот го раскина договорот и се враќа во Сити како слободен агент, што значи дека англискиот шампион не плаќа ниту едно евро за искусниот играч за врска.

Гундоган мина незаборавни седум години во Сити и беше капитен на тимот кој ја освои историската триплета во 2023-та година, а сега се враќа во клубот кој вели дека сфатил колку вреди во моментите кога си заминал.

– Моите седум години во Манчестер Сити беа исполнети со задоволство и возбуда, на теренот и надвор од него. Тука пораснав како личност и како играч, воспоставив специјална врска со фановите на клубот и доживеам огромен успех. Неверојатно е чувството што добивам шанса повторно да искусам такво нешто.

– Сите знаат колку многу го почитувам Пеп Гвардиола, тој е најдобриот менаџер во светот и секој работен ден со него ве прави подобар. Секој ден се чувствувате предизвикани, не можам да дочекам повторно да работам со него. Тешко е да се опише чувството, сфаќате што сте имале, дури кога го напуштате клубот. Сфаќате колку неверојатно време сте имале, сфаќате колку клубот е голем, всушност најдобар клуб во светот, – вели Гундоган.

What you've all been waiting for…

Welcome back to City, @IlkayGuendogan 🩵 pic.twitter.com/8VutEkQNRU

— Manchester City (@ManCity) August 23, 2024