Гундоган: Пред него е светла иднина, тој е новиот Озил

Реал Мадрид донесе неколку засилувања за оваа сезона и дефинитивно најдобар впечаток засега остави англискиот репрезентативец Џуд Белингем.

Меѓутоа има и таков кој е сосема спротивност од Белингем, играч кој имале малерозен старт на епизодата на „Сантијаго Бернабеу“-тоа е талентираниот Арда Ѓулер. Ѓулер пристигна од Фенербахче, но засега не може да крене глава од повреди и се уште нема дебитирано во шпанскиот великан.

Овој период сигурно ќе заврши, а еден од оние кој верува дека Арда ќе блесне и ќе игра на највисоко ниво е Илкај Гундоган кој смета дека во младата ѕвезда може да се најдат сличности со Месут Озил.

-Ѓулер отиде во Реал Мадрид, тој е многу талентиран фудбалер. Разговарав со Ридигер, многу му се допаѓа Арда. Да, тој имаше физички проблеми и поради повреди не можеше да ја започне сезоната. Но е многу талентиран. Дури и Озил го кажа истото. Ако има турски фудбалер кој е сличен на Месут Озил, тогаш се вика Арда Ѓулер. Пред него е светла иднина, -порача Илкај кој да не заборавиме игра за Германија, ама има турски корени.