Гудуриќ: Ќе беше послатко да ги победевме Американците

Српските кошаркарски репрезентативци денеска ги прославуваат бронзените медали, до кои дојдоа заслужено по доминантната претстава против актуелниот светски шампион Германија.

Избраниците на Светислав Пешиќ се враќаат со медал од ОИ во Париз, но Марко Гудуриќ уште еднаш потенцирал дека тој и неговите колеги жалат што дозволија пресврт на Американците во полуфиналето.

– Денеска уште еднаш го видовме најважниот квалитет на овој тим, а тоа е дека секој знае што се бара од него и каде му е местото.

– Драго ми е што успеавме емотивно да се опоравиме за овој натпревар, знаеме што се случи против Германија на СП и задоволен сум што им вративме овде во Париз.

– Сепак, ќе беше многу послатко ако ги победевме Американците во финалето. На сите утрото по полуфиналето ни беше горко, но барем покажавме дека никој не е непобедлив, – изјавил Гудуриќ.