Гудмундсон влезе во игра и на перфектен начин дебитираше за Фиорентина (Видео)

Алберт Гундмундсон беше најпријатно изненадување во Серија А минатата сезона, а тоа му овозможи да направи трансфер во поголем клуб, што на крајот испадна дека е Фиорентина.

Иако се поврзуваше и со позвучни имиња од клубот од Фиренца, Исланѓанецот на крајот беше претставен како најголемо засилување за „виолетовите“, но поради повреда мораше да почека на своето деби.

Гудмундсон започна на клупата и на денешното дерби со Лацио, но откако гостите од Рим водеа по 45 минути игра, тренерот Паладино реши да му даде шанса на офанзивецот.

Алберт веднаш по влегувањето во игра се избори за пенал и успеа да го претвори истиот во израмнување на 1:1, но по дебитантскиот гол, следеше уште еден пенал во самата завршница.

Самоуверениот Гудмундсон повторно ја зема топката и погоди за 2:1 и целосен пресврт на „Артемио Франки“, па така во 90-та минута донесе голема радост на трибините, а воедно и разочарување за гостите.

Видеото погледнете го ТУКА