Групна тепачка во НБА лигата: Судијата исклучи пет играчи во Минеаполис (Видео)

Донован Мичел и Дилон Брукс се степаа на вчерашниот натпревар меѓу Кливленд и Мемфис, но нешто слилно се повтори и рано утрово на пресметката меѓу Минесота и Орландо.

Средбата во Минеаполис беше прекината на крајот од третата четвртина, а причина за тоа беше физичкиот дуел кој го имаа Остин Риверс од Минесота и Мо Бамба од Орландо.

Двајцата влегоа во клинч во аголот од теренот и имаа неколку неуспешни обиди да си удрат тупаници, по што тепачката стана групна и им се придружија уште неколку играчи.

На крајот никој не заработи посериозна повреда од овој инцидент, но судијата исклучи дури пет играчи со цел да ги смири страстите во пресрет на последната четвртина.

Покрај двајцата кои го иницираа инцидентот, исклучен беше уште Џејлен Сагс од Орландо, како и Торијан Принс и Џејден МекДенијелс од Минесота.

Натпреварот заврши со победата на гостите од 120:127, па на крајот Орландо повеќе профитираше од мешаницата во третата четвртина.

AUSTIN RIVERS AND MO BAMBA GET INTO IT 🤯 pic.twitter.com/kUFYXgPvI5

— Bleacher Report (@BleacherReport) February 4, 2023

The Target Center Tussle 👀#RaisedByWolves | #NBA pic.twitter.com/7DPJwnELgS

— Bally Sports North (@BallySportsNOR) February 4, 2023

НБА резултати:

Детроит – Шарлот 118:112
Индијана – Сакраменто 107:104
Вашингтон – Портланд 116:124
Бостон – Феникс 94:106
Хјустон – Торонто 111:117
Минесота – Орландо 120:127
Сан Антонио – Филаделфија 125:137
Јута – Атланта 108:115