Гроздановски и донесе бод на Македонија во пресметката со Украина

Македонската фудбалска репрезентација до 21 година одигра без победник против врсниците од Украина (1-1) во денешната пресметка од квалфикациите за Европското првенство.

На средбата која се одигра на тренинг центарот „Петар Милошевски” двете селекции добија по едно полувреме, првото им припадна на гостите, додека второто на избраниците на Канатларовски.

Украинците беа подобро, поконретен ривал во првиот дел во кој ја тресеа рамката од голот на Денковски, но еднаш и ја затресоа неговата мрежа преку Сирота во 43 минута.

Во продолжението нашиот селектор направи две промени и тоа вроди си резултат, донесе поголема енергија, па во 58 минута Гроздановски по една грешка на противникот успеа да израмни на 1-1. Потоа имавме шанси и за пресврт за да  финишот им припадне на гостите кои во судиското продолженија одново ја погодоја гредата од нашиот гол.

На крајот нов бод за нас, трето реми во петтиот квалификациски меч со што со шест бода останува на третата позиција зад Украина и Франција со по десет поени.