Гризман претрча 70 метри со топката во нозе и постигна урнебесен гол (Видео)

Антоан Гризман е херојот на Атлетико Мадрид на гостувањето во Галиција, бидејќи „душекџиите“ вечерва славеа благодарение на фантастичниот Французин кој ги постигна сите три гола на мечот.

Искусниот напаѓач постигна хет-трик против Селта и заврши најголем дел од задачата за својот тим, но постигна и еден гол на кој не остана рамнодушен ниту самиот тој.

Резултатот беше отворен од пенал во 29-та минута, но на вториот гол се чекаше до 64-та кога Гризман претрча 70 метри со топката во нозе, пред да постигне урнебесен гол.

Кога издржа неколку дуели и се најде во ситуација да бие, Гризман сакаше да биде несебичен и да го проигра Мората, но тогаш се лизна и топката доби неочекуван правец.

Ударот испадна идеален и целосно го измами голманот Гуаита, а на среќниот гол се изнасмеа и самиот Французин. До крајот, Гризи ја комплетираше својата блескава партија и постигна трет гол во мрежата на домаќинот за конечни 0:3.