Грималдо посочи која е тајната на успехот на Алонсо: Тој има многу страст…

Чаби Алонсо одлично се снаоѓа во својот прв голем тренерски ангажман и тоа како предводник на бундеслигашот Баер Леверкузен, тим кој го презема во октомври минатата година.

Во првата сезона тој ги одведе „фармацевтите“ до шестата позиција во Бундеслигата, а пак во актуелнава кампања Баер „лета“ и е прв во Германија, а одлично напредува и во Купот и Лигата на Европа.

Шпанецот веќе почнува да се поврзува со преселба во поголеми клубови, но засега тоа се се гласини, шпекулации и нема ништо конкретно. Алонсо е фокусиран на работата, играчите уживаат да работата со него и тоа го потврдува Алехандро Грималдо кој само неколку месеци е на „БајАрена“, период во кој тренерот го вади максимумот од него и доказ за тоа се седумте голови и петте асистенции на 15 натпревари.

-Тој има многу страст. За Чаби секој тренинг и секој детал е важен. Потоа тука е начинот на кој ги пренесува своите идеи. Тој знае како да ги натера играчите да разберат се што има во главата и им дава самодоверба. Тоа е клучно за фудбалерите да знаат што треба да направат и да бидат опуштени и мирни, -порача Алекс за „Марка“.