Грилиш откри каква порака добил од голманот на Копенхаген за нереалниот Халанд

Ерлинг Халанд ја продолжи својата застрашувачка гол серија од стартот на сезоната и на натперварот против Копенхаген во Лигата на шампионите, а Данците можат да бидат среќни со тоа што Норвежанецот играше само едно полувреме на „Итихад“.

Новиот напаѓач на Пеп Гвардиола постигна два гола во првите 45 минути и стигна до 19-от погодокот на 12-от меч, а како што открива Џек Грилиш, најзадоволен од неговото рано повлекување бил голманот на Копенхаген.

– Тоа што се случува со Халанд е неверојатно. Никогаш во мојот живот не сум видел нешто вакво, не сум сведочел на нешто слично во кариерата.

– На првите два гола навистина се смеев. Едноставно тој секогаш е на вистинското место во вистинско време и со допир ја сместува топката во гол.

– Голманот на Копенхаген ми порача дека тој не е човек. Што да се каже, едноставно се надевам дека ќе продолжи вака и дека ќе не однесе до големи успеси оваа сезона. Што се однесува до мене, се чувстувам многу добро на последните три-четири меча и се повеќе личам на себе. Играм со поголема слодоба и самодоверба и мислам дека сум на вистинскиот пат, – порача Грилиш.