Грција направи пресврт, Македонија не ја искористи првата шанса за пласман на ЕП

Македонската одбојкарска репрезентација не ја оствари својата зацртаната цел и ја пропушти првата „меч-топка“ за пласман на Европско првнество, бидејќи вечерва прерпе пораз на домашен терен од селекцијата на Грција.

Соседското дерби во „Јане Сандански“ почна со изразена доминација на македонските одбојкари кои го добија првиот сет со 25:15, но за жал избраниците на Хари Наковски застанаа тука и дозволија пресврт на Грците во продолжение.

Јужниот сосед лесно одговори во вториот сет кој го доби со 25:18, а се чини клучен беше третиот сет во кој Македонија се врати од голема негатива, потоа и поведе, за на крајот повторно да го загуби истиот.

Ѓоргиев, Љафтов и останатите се вратија од 16:11 во овој дел, поведоа во завршницата, но за жал го загубија третиот сет со 25:23.

Во четвртиот, Грците брзо се одлепија и целосно го контролираа резултатот, па со конечни 25:20 запишаа победа во македонската престолнина.

Остварена победа за Македонија ќе значеше сигурен пласман на Европското првенство, но шансите не згаснуваат, бидејќи нашите „спартанци“ ќе бркаат такво нешто следната година, кога квалификациите продолжуваат со меч против Грузија во месец јуни.