Грчевски: Ова е големо искуство за нас, некои ракометарки треба да се запрашаат дали заслужуваат да играат за Македонија

Македонија одигра две различни полувремиња, а кога е тоа така е тешко да се оствари позитивен резултат на голем ракометен настан против репрезентација каква што е Унгарија.

Ракометарките беа рамноправи во првите 30 минути (11-10), но по паузата го расипаа впечатокот, беа надиграни и на крајот загубија со десет разлика (29:19). Со ово го завршиме настапот на Европското првенство и тоа како третопласирани во групата за Унгарките и Шведска која вечерва си поигра со Турција.

Селекторот Кристијан Грчевски генерално е задоволен од прикажаното, меѓутоа во исто време е дециден дека има простор за подобрување, но и воедно предупреди дел од ракометарките дека во иднина може и да не бидат дел од националниот тим ако не се подобрат, покажат повеќе кога настапуваат за Македонија.

-Ова е големо искуство за нас, неколку ракометарки за првпат настапија на ЕП. Добивме неколку играчи, а некои треба да се замислат дали треба само да се појават во репрезентацијата, овој дрес има тежина и треба да се заслужи, -порача Грчевски.