Говорот на Анчелоти кој го промени последното финале во ЛШ (Видео)

Реал Мадрид на 1-ви јуни стигна до својата 15-та титула во Лигата на шампионите и само уште еднаш потврди дека е недопирлив крал во европскиот фудбал, совладувајќи ја амбициозната Борусија во големото финале.

Тимот од Дортмунд му направи огромни проблеми на фаворитот во првото полувреме и пропушти големи шанси за предност, по што искуството дојде до израз во вториот дел во кој Реал постигна два гола преку Дани Карвахал и Винисиус Жуниор.

Во соработка со „Амазон Прајм“, Реал Мадрид подготви нов документарец за рекордната титула во Европа, а сега „Ел Чирингито“ го доби ексклузивното право да сподели еден материјал.

Познатата шпанска емисија го пренесе говорот кој го сменил текот на финалето на „Вембли“, односно обраќањето на сериозниот Анчелоти по крајот на првиот дел.

– Мора да бидеме трпеливи…. Колку топки изгубивме? Колку топки изгубивме? Не треба да ризикуваме….. Кога ја губиме топката, постојано е контра. Не треба да го правиме ова, – вели Анчелоти, кој во документарецот објаснува дека ја променил структурата на средниот ред за тимот да добие многу поголема стабилност во одбрана.

– Да го повлечеме малку блокот, да бидеме покомпактни и да ја вратиме топката во свои нозе, – додава Дон Карло.

😡 "¿CUÁNTOS BALONES HEMOS PERDIDO?"

🔥 ANCELOTTI, más caliente que nunca en el descanso de la última final de Champions.

Adelanto del documental de Prime Video en #ChiringuitoMadrid. pic.twitter.com/xRi44QWc1M

— El Chiringuito TV (@elchiringuitotv) February 10, 2025