Поврзете се со нас

Македонија

Гостивар се засили со искусен напаѓач пред стартот на подготовките во Хрватска

Објавено

на

Гостивар има цел да се бори за шампионската титула во пролетниот дел од сезоната, а амбициозниот прволигаш од денеска е посилен за искусниот Антонио Каланоски.

30-годишниот напаѓач остана без клуб откако се раздели со Брера Струмица по првиот дел од сезоната, но сега прави трансфер во клуб кој има далеку поголеми очекувања во пресрет на вториот дел од шампионатот.

Каланоски беше еден од низата првотимци кои си заминаа од клубот од Струмица во месец декември, а покрај настапите за Брера, претходно во кариерата настапуваше за Силекс, Шкупи, Беласица, Победа, Струга, Борец, Еуромилк, Металург, Локомотива и Охрид.

За офанзивниот фудбалер ова ќе биде второ искуство во редовите на Гостивар, клуб чии бои ги бранеше и во сезоната 2022/23.

Гостивар првиот дел од сезоната го заврши на четвртото место со само два бода помалку од лидерот на табелата, па секако дека има доволно аргументи да се надева на успех при рестартот на шампионатот.

Advertisement
Advertisement

Италија

Advertisement

Популарни