Гостивар останува непобедлив на домашната сцена

Гостивар се етаблираше како најпријатно изненадување во најсилната кошаркарска елита, но позитивните резултати веќе не се никаква случајност и потврда за тоа добивме и вечерва.

Струмица се покажа како недораснат ривал во обидот да го предзивика лидерот на табелата, кој останува перфектен и непоразен и по шестото коло во Првата лига.

Гостиварчани славеа убедливо со 102:80 и стигнаа до „шест од шест“, биланс кој го нема ниту еден друг тим во лигата, вклучувајќи го и шампионот МЗТ Скопје.

Струмица денеска успеа да парира само во првата четвртина која единствено беше неизвесна со резултат 27:23, но потоа домаќините лесно се одлепија на плус десет и од тој момент го контролираа мечот.

Максималните 12 бода по шест одиграни меча го прават Гостивар самостоен лидер, додека втор е Пелистер со биланс од пет победи и еден пораз.