Гостивар го задржа својот „мотор“ во тимот: Костоски и натаму ќе ги радува гледачите во салата „Младост“

Предвремениот крај на натпреварувачката сезона во Првата македонската кошаркарска лига значеше принудана пауза за кошаркарите, но и дополнително време за клубовите да прават планови за наредната сезона.

Додека МЗТ Скопје преку своите гласила го искажува своето незадоволство за прекинот на сезоната, Гостивар се фати за сериозна работа, а денеска објави дека е постигнат договор за нова соработка со најдобриот играч.

Александар Костоски е еден од најдобрите играчи во нашата најсилна лига, а како лидер на тимот на Гостивар, позитивна вест е што уште две години ќе го носи дресот на клубот.

– Среќни сме што „моторот“ на нашиот тим, Алесандар Костески е првиот играч кој ја продолжи својата лојалност кон нашиот клуб.

– Гостивар ќе ја има таа среќа уште две години во салата „Младост“ да ги гледа мајсторите на најдобриот плејмејкер во Македонија. Костоски ќе продолжи да игра пред најдобрата публика во Македонија“ велат од клубот од Гостивар.