Гостивар го изненади ТФТ, Пелистер ја доби драмата со Чаир

Екипите на Гостивар и Пелистер дојдоа до првите билети за полуфиналето во Купот на Македонија, натпреварување кое го носи името на нашата легенда „Благоја Георгиевски – Буштур“.

Гостивар направи изненадување и официјално го доби првиот носител на турнирот ТФТ со 72:62. Избраниците на Малинков како и на лигашкиот меч со МЗТ Скопје одиграа одлично во одбраната, доволно ефикасно во нападот и ја минаа четвртфиналната рунда.

Петмина играчи кај победникот беа двоцифрени, додека Говенс со 19 кошеви немаше соодветна поддршка кај составот од Тафталиџе.

Пелистар пак добро се испоти, ама го доби Чаир 2030 со 76:72. Средбата беше решена во последните 90 секунди кои „зелено-белите“ ги добија со 4-0 и сега мирно ќе го проследат дуелот меѓу МЗТ и Работнички од каде ќе го добијат наредниот ривал.

Мишковиќ со дабл-дабл од 23 поени и 11 скока беше најдобар, голема поддршка беше новото засилување Гамбрел со 20 кошеви.

Најефикасни кај Чаир беа Кели и Мофит со по 24 поени.