Горпишин: Си заминав од Вардар, клубот ми должи пари…

Кружниот напаѓач, Сергеј Горпишин во наредната сезона нема да биде дел од екипата на Вардар.

Тој минатата година пристигна во Скопје од германски Ерланген, но не се изнаигра во „црвено-црните“ и сега е во потрага по нова средина, нов ангажман со желба истиот да биде во Германија.

-Расчистив со Вардар. Сите документи се веќе потпишани, веќе немам повеќе обврски кон клубот. Долговите се уште не се расчистени, но тие се обврзани тоа да го направат. Верувам во тоа, ама ќе видиме како ќе биде.

-Исто така верувам дека брзо ќе најдам нов ангажман, приоритет е Бундеслигата, ама не исклучувам опции надвор од Германија. Да бидам искрен, уморен сум од оваа долготрајна состојба на неизвесност во сè и неизвесните перспективи. Јас навистина сакам да се фокусирам на главната работа. Главната работа за мене е ракометната игра и рускиот национален тим, -порача Горпишин.