Горецка доби јасна порака: Ако сака да игра на следното СП…

Леон Горецка не е во прв план кај новиот тренер на Баерн Минхен, Венсан Компани, а се чини дека во моментов тој е на трансфер листата на Баварците и лесно може да се случи да ја промени средината и покрај договорот кој му важи до 2026 година.

Послабата форма го остави Германецот и без настап на последното ЕП, а ако сака нешто да промени во однос на националниот тим, ќе мора да најде клуб каде ќе добие соодветна минутажа.

Тоа јасно го порачал и спортскиот директор на репрезентацијата, легендарниот Руди Фелер во своето последно интервју.

– Во моментов логично е да побара да замине и да реализира трансфер.

– Секој фудбалер сака да се чувствува добро во својот тим и да добива шанса, а Горецка мора да промени нешто ако сака да биде во конкуренција за следното СП, – рекол Фелер.