Поврзете се со нас

Лига на шампиони

Гонзалес: Ќе биде тешко, но Барселона може да падне

Објавено

на

За „Дерби“ од Келн,
Александар Табаковски

Ескпедицијата на Вардар е веќе во Германија каде ги прави финалните подготовки за големиот предизвик и полуфиналето со Барселона во Лигата на шампионите.

Каталонскиот гигант на хартија важи на фаворит со оглед на освоените титули и искуството од вакви натпревари, меѓутоа „црвено-црните“ си имаат свои замисли иако максимално го почитуваат ривалот.

– Барселона е квалитетна екипа со одлични играчи и тренер. Тие многупати играле Ф4 и освојувале титули. Ние имавме доволно време да се подготвиме. Треба да бидеме спремни на се, мораме да бидеме особено внимателни во првите 15 минути, можеби ќе нѐ изненадат со нешто ново. Атмосферата е добра, ние работевме напорно цела сезона и сега треба да уживаме. Треба да размислуваме и да се фокусираме само на Барселона, овој меч за нас најважен, знаеме дека ќе биде тешко ама ние сакаме да играме во финалето и поради тоа мораме 60 минути да одиграме на врвно ниво, – вели тренерот Раул Гонзалес.

Во однос на тоа дали голманите ќе бидат клучни шпанскиот стручњак вели:

-Да имате успех во ракометот треба да имате добри голмани, Барселона има, Вардар има, ама ракомет се игра со седум и сите треба да бидат подготвени. Треба одбраната да биде на ниво, да се помага и ако одбраната е добра ќе им биде полесно на голманите,- рече Раул кој не заборави да ги спомени и Македонците во таборот на Барселона.

– Кире и Борко се одлични играчи и ќе биде тешко да играме против нив,- заврши тренерот на сезоната во ЛШ.

Реклама
Реклама
Реклама

Популарни