Голот на Меси доволен за историја и нова шампионска титула на ПСЖ (Видео)

ПСЖ играше за одбрана на титулата оваа вечер на гостувањето кај Стразбур, па на крајот се покажа доволен само еден гол за математички да се обезбеди новиот трофеј во домашното првенство.

„Светците“ ремизираа на гостувањето и одиграа 1:1, но голот кој го постигна Лионел Меси беше доволен за потврда на шампионскиот епитет, но и испишување на историја.

ПСЖ стана првиот клуб во Лига 1 кој има освоени 11 шампионски титули, додека Лео Меси со овој трофеј го израми апсолутниот рекорд на Дани Алвес кој неколку години беше осамен на врвот.

За аргентинскиот фудбалски мајстор ова беше 43 освоен трофеј на клупско и репрезентативно ниво, а исто колку што има и легендарниот бразилски лев бек кој во моментов е во затвор во Шпанија и има проблеми поради сексуален скандал.

Секој нареден трофеј за Меси ќе значи избивање на врвот на вечната листа како најтрофеен фудбалер во историјата, а многу јасно е дека тоа нема да се случи во ПСЖ, клуб од кој си заминува по крајот на сезоната.

Lionel Messi has tied Dani Alves' record for trophies won for club and country 👏

Incredible 🐐 pic.twitter.com/9WKO0akqYY

— ESPN FC (@ESPNFC) May 27, 2023