Голот на Мерино обезбеди дерби победа за Арсенал (Видео)

Арсенал заминува во релаксирачка атмосфера на двонеделна пауза поради репрезентативни обврски, откако тимот од Северен Лондон ова попладне го доби големото градско дерби против Челси.

Во битката на двата великани од англиската престолнина, Арсенал беше за нијанса подобар и заслужено ги освои трите бода, а до истите стигна благодарение на принудниот напаѓач.

Микел Мерино доби далеку поофанзивни задачи од тоа што навикна во досегашната кариера, но во овој тежок период, се покажува како доволно добро решение за нападот на Арсенал.

Неговиот гол со глава во 20-та минута ја направи главната разлика на денешното дерби на „Емирејтс“, па така Арсенал направи важен исчекор во обидот да биде сигурен како второпласирана екипа.

Челси останува четврт и по оваа натпреварувачка рунда во Премиер лигата, но има само еден бод повеќе од Манчестер Сити, односно два од Њукасл и Брајтон.

Видеото погледнете го ТУКА