Голот на Барса Б ја обиколи цела Шпанија: Страшната акција заврши со акробација за најавните шпици (Видео)

Талентираните членови од „Ла Масија“ стандардно добиваат шанса во вториот тим на Барселона, а тоа секако е последна станица пред премиера во првиот тим на каталонскиот гигант.

Барселона е клубот кој најдобро ја негува својата школа во фудбалска Европа и постојано вади големи потенцијали, па во еден момент, Барса Атлетик се бореше и за пласман во Првата лига.

Моментално, вториот тим на Барселона се натпреварува во третата лига и високо котира на табелата, а остварената победа на Оуренсе се најде во прв план поради еден гол од кој застанува здивот.

Тони Фернандез стана најмладиот стрелец во историјата на Барса Атлетик со 16 години, 1 месец и 3 дена, но начинот на кој го направи тоа беше вонсериски.

Младите играчи на Барса Б режираа страшна комбинација на мал простор, по што Фернандез не чекаше да тапне топката и зафати акробатски полуножички за водство од 2:0.

Como vienen los niños del filial!!!
Golazo de Toni Fernandez para el Barça B convirtiendose en el goleador más joven.
16 años,1 mes y 3 diaspic.twitter.com/7LLujIWGVb

— Futbol por las venas (@futbolxvenas) September 7, 2024

En su debut con el Barça B eh. En el Barça dopamos a todos los chavales. Somos los mejores. Vaya huevazos pic.twitter.com/jcLF6jaiBJ

— Manu. (@GxlDePaulinho) September 7, 2024