Голманот на Лил го шокираше Влаховиќ: Морав да му честитам (Видео)

Душан Влаховиќ не е целокупно задоволен од гостуваето кое го имаше Јувентус во Франција, бидејќи добрата игра на гостите не беше наградена со победа во Лигата на шампиони.

Јувентус повторно се стави во позиција да брка негатива и се избори само за реми со резултат 1:1, а голема заслуга за тоа има францускиот голман, Лукас Шевалие.

И покрај тоа што прими гол од Влаховиќ од пенал, посебна за истакнување е парадата која ја направи домашниот голман по една одлична реакција на Србинот, па за добрата реакција добил честитка и од напаѓачот на Јувентус.

– Тоа беше фантастична одбрана и морав да му честитам. Тоа е дел од спортот и мора да му подадете рака на ривалот. Во 90 проценти од случаите, таа топка завршува во мрежата. Нивниот голман беше извонреден, не победивме само поради него.

– Го имавме натпреварот под наша контрола и не беше лесно да се игра против Лил. Мислам дека заслуживме да победиме, но нема да го отфрлиме и освоениот бод. Секој бод е важен во Лигата на шампиони, – изјави Влаховиќ.

obligatoire chevalier en edf pic.twitter.com/fPAihsZ5Ld

— TONY21 (@FOOTSTORIES21) November 5, 2024