Голманот на Хамбургер направи аматерски кикс, Штутгарт опстана во Бундеслига (Видео)

Штутгарт го надигра Хамбургер на домашен терен минатата седмица и славеше со убедливи 3:0, резултат кој беше добра увертира пред реваншот кој се одигра вечерва на стадионот во Хамбург.

Домашниот тим имаше негатива од три гола и фрли се на една карта во напад, пристап кој вроди со плод доста рано бидејќи Хамбургер поведе со голот на Кител.

Погодокот во шестата минута ги разбуди дури и најголеми песимисти на стадионот, но Штутгарт доста брзо успеа да се стабилизира, а потоа во вториот дел да направи и целосен пресврт за уверливо потврдување на статусот.

Штутгарт и наредната сезона ќе биде дел од најсилната Бундеслигата, откако на двата натпревари оствари победа со вкупен резултат од 6:1.

По триумфот од 3:0, вечерва направи пресврт со три гола во вториот дел, од кои два беа дело на напаѓачот Енцо Мијо, а еден на Силас. Вториот гол на Мијо привлече најголемо внимание, бидејќи домашниот голман Фернандес направи аматерски кикс и му овозможи на ривалот да постигне рутински гол.