Голманот на Бохум полуде и се пресмета со фан на трибините (Видео)

Битките за опстанок во топ пет лигите ќе бидат неверојатно интересни и неизвесни оваа сезона, а така се очекува да биде и во Бундеслигата каде шест екипи се обидуваат да ги избегнат најлошите три места.

Во дербито за опстанок во германската елита, Штутгарт денеска оствари голема победа на гостувањето кај Бохум и избегна од црвената зона, но бидејќи натпреварот имаше навистина голем влог, имаше и големо незадоволство на трибините.

Навивачите на Бохум не го криеја бесот кон своите миленици по последниот судиски свиреж и поразот од 2:3, по што дојде и до една навистина луда и несекојдневна сцена.

Голманот Мануе Риман не остана имун на провокациите и довикувањата од трибините, па отиде да се пресметка со еден од навивачите и буквално го фати за врат.

По оваа тензична сцена, пристапија и луѓето од обезбедувањето кои реагираа уште поагресивно, па фанот беше соборен и предаден на полицијата.