Голманот Лунин фантастично асистираше, Винисиус ја потопи Осасуна (Видео)

Реал Мадрид им се врати на победите по двата непријатни порази од Барселона и Милан, пред се благодарение на разиграниот Винисиус Жуниор кој денеска си поигруваше со играчите на Осасуна.

Бразилецот постигна три гола во триумфот од 4:0, но за одбележување е и првиот гол на Џуд Белингам во дресот на Реал по пауза од шест месеци.

Уверливото издание на „кралевите“ донесе голема сатисфакција кај навивачите на „Бернабеу“, но имаше и моменти на разочарување поради повреди на тројца фудбалери.

Милитао, Родриго и Васкез предвреме го завршија натпреварот, а се чини дека овој првиот заработи тешка повреда на коленото и можно е да отсуствува со месеци.

Карло Анчелоти сигурно нема да биде задоволен од ваквото сценарио, но барем на репрезентативна пауза ќе оди позадоволен од изданието на неговиот тим.

Винисиус во три наврати го матираше Ерера, но највпечатлив беше вториот гол кога доби асистенција од голманот на Реал, Андреј Лунин.

Од друга страна, извонредна асистенција запиша и младиот Раул Асенсио, кој откако го замени повредениот Милитао, испорача мајсторско додавање до Белингам.

Головите погледнете ги ТУКА