Голгетерот на Бенфика одбил трансфер во Манчестер Јунајтед

Уругвајскиот фудбалер Дарвин Нуњес имал две понуди од Англија, но и двете ги одбил без многу размислување, пренесуваат дел од европските медиуми.

Членот на Бенфика го покажа својот голгетерски потенцијал во Португалија и очекувано го привлече вниманието на поголемите и побогати клубови, но засега останува дел од лисабонскиот состав.

Нуњес добил понуди од Манчестер Јунајтед и Њукасл, но и двата клуба ги одбил поради инсистирањето да игра во Лигата на шампионите, нешто што овие премиерлигаши не можат да му го обезбедат наредната сезона.

Од неодамна менаџер на Дарвин е познатиот Жорге Мендеш, а главна задача на „супер агентот“ ќе биде обезбедување на нов клуб со поголеми амбиции.

Еден од клубовите кои се заинтересирани за Нуњес е ПСЖ, но францускиот состав прво треба да се ослободи од Мауро Икарди за ваков трансфер.