Големото дерби меѓу Ливерпул и Јунајтед доведено во прашање поради снежната бура во Англија (Видео)

Снежната бура која го зафати регионот на Ливерпул прави големи проблеми во логистиката на Премиер лигата, од едноставна причина што за ова попладне е закажано големото дерби меѓу двата најтрофејни клубови во Англија.

Пресметката меѓу Ливерпул и Манчестер Јунајтед е закажана за денеска во 17:30 часот, но на пет часа пред натпреварот, се уште не е официјално познато дали истиот ќе биде одигран.

Големите количества на снег прават големи проблеми за да се исчисти теренот на „Енфилд Роуд“ кој веќе е обоен во бело, но како што јавуваат властите, ова ќе биде најмал проблем за организаторот на мечот.

И покрај лошата прогноза која вели дека може да врне и зармзнат дожд во наредните неколку часа, Ливерпул како клуб гарантира дека ќе оспособи услови за игра на теренот, но најголем проблем е логистиката за навивачите кои треба да пристигнат на стадионот.

Доколку не се поправат околностите, Премиер лигата нема да презема ризик и ќе ја стави безбедноста на фановите на прво место, па можно е да дојде и до одложување на дербито.

View this post on Instagram

A post shared by Sky Sport (Italia) (@skysport)